ON AN AMENDMENT TO LAW NO. 10 091, DATED 5.3.2009 “ON LEGAL AUDITING, ORGANIZATION OF THE PROFESSION OF REGISTERED EXPERT ACCOUNTANT AND APPROVED ACCOUNTANT”

Lloji: Ligj

Fletore Zyrtare: nr. 92, datë 2010-07-20

LIGJ

Nr.10 297, datë 8.7.2010

PËR NJË NDRYSHIM NË LIGJIN NR. 10 091, DATË 5.3.2009 “PËR AUDITIMIN

LIGJOR, ORGANIZIMIN E PROFESIONIT TË EKSPERTIT KONTABËL TË

REGJISTRUAR DHE KONTABILISTIT TË MIRATUAR”

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 10 091, datë 5.3.2009 “Për auditimin ligjor, organizimin e profesionit të

ekspertit kontabël të regjistruar dhe kontabilistit të miratuar”, bëhet ky ndryshim:

Neni 1

Neni 58 ndryshohet si më poshtë:

“Neni 58

Ushtrimi i profesionit të ekspertit kontabël

dhe shoqërisë audituese pa qenë i regjistruar

1. Ushtrimi i profesionit të ekspertit kontabël apo përdorimi i emërtimeve si shoqëri

audituese, pa qenë i regjistruar më parë në regjistrin publik të ekspertëve kontabël, si dhe

përdorimi i çfarëdo titulli, që synon të krijojë ngjashmëri ose konfuzion me këta tituj profesionalë

apo emërtime, përbën kundërvajtje administrative dhe dënohet me gjobë nga 5 000 000 deri

në 10 000 000 lekë.

2. Vendimi për vendosjen e gjobës merret nga bordi i mbikëqyrjes publike.

3. Vendosja e dënimit administrativ, sipas këtij ligji, nuk ndalon paraqitjen e kallëzimit

penal në prokurori.”.

Neni 2

Hyrja në fuqi

Ky ligj hyn në fuqi 15 ditë pas botimit në Fletoren Zyrtare.