ON CERTAIN AMENDMENTS AND ADDITIONS TO LAW NO. 9741, DATED 21.5.2007 “ON HIGHER EDUCATION IN THE REPUBLIC OF ALBANIA”, AS AMENDED

Lloji: Ligj

Fletore Zyrtare: nr. 111, datë 2010-08-19

LIGJ

Nr.10 307, datë 22.7.2010

PËR DISA NDRYSHIME DHE SHTESA NË LIGJIN NR. 9741, DATË 21.5. 2007

“PËR ARSIMIN E LARTË NË REPUBLIKËN E SHQIPËRISË”, TË NDRYSHUAR

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 9741, datë 21.5.2007 “Për arsimin e lartë në Republikën e Shqipërisë”, të

ndryshuar, bëhen këto ndryshime dhe shtesa:

Neni 1

Në nenin 6 pika 1, fjalët “rendit publik” zëvendësohen me fjalët “të sigurisë dhe të

mbrojtjes”.

Neni 2

Në nenin 7 pika 1, para fjalës “jouniversitar” shtohet fjala “universitar”.

Neni 3

Në nenin 9 pika 3 shfuqizohet.

Neni 4

Në nenin 12 bëhen ndryshimet dhe shtesat e mëposhtme:

1. Pikat 4, 5 e 6 ndryshohen si më poshtë:

“4. Departamenti organizohet në grupe mësimore e kërkimore. Grupi mund të jetë edhe

vetëm kërkimor. Titullarët e grupeve duhet të kenë, së paku, gradën shkencore “Doktor” dhe

përzgjidhen me konkurrim të hapur, të drejtuar nga një komision ad hoc, i ngritur nga Këshilli i

Profesorëve. Procedurat e ngritjes së komisionit ad hoc dhe të konkurrimit përcaktohen në

statutin e institucionit të arsimit të lartë. Titullari i njësisë bazë i propozon autoritetit drejtues të

njësisë kryesore emërimin e kandidatit të renditur në vendin e parë të listës nga komisioni ad hoc,

për një periudhë 4-vjeçare.