ON CERTAIN AMENDMENTS TO LAW NO. 9072, DATED 22.5.2003 “ON THE ELECTRIC ENERGY SECTOR”, AS AMENDED

Lloji: Ligj

Fletore Zyrtare: nr. 179, datë 2010-12-31

LIGJ

Nr.10 362, datë 16.12.2010

PËR DISA NDRYSHIME NË LIGJIN NR.9072, DATË 22.5.2003 “PËR SEKTORIN E ENERGJISË ELEKTRIKE”, TË NDRYSHUAR

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.9072, datë 22.5.2003 “Për sektorin e energjisë elektrike”, të ndryshuar, bëhen këto ndryshime:

Neni 1

Në nenin 3, pika 35/1 ndryshohet si më poshtë:

“35/1. Shkëmbimi, shitja dhe blerja e energjisë elektrike, në kuptim të këtij ligji, është marrëdhënia juridike ndërmjet palëve, sipas dispozitave përkatëse të Kodit Civil.”.

Neni 2

Në nenin 8 pika 2, shkronja “l” ndryshohet si më poshtë:

“l) miraton rregullat dhe procedurat, sipas të cilave bëhen shkëmbimi, blerja dhe shitja e energjisë elektrike nga dhe te furnizuesit/tregtarët vendas dhe të huaj.”.

Neni 3

Neni 51 ndryshohet si më poshtë:

“Neni 51

Matja e energjisë elektrike të furnizuar

1. Energjia elektrike, e përdorur nga klienti, lexohet dhe faturohet sipas regjistrimeve të aparateve matëse.

2. Instalimi i aparateve matëse të energjisë elektrike bëhet në përputhje me Kodin e Matjes të energjisë elektrike, të miratuar nga ERE-ja.