Për disa ndryshime dhe shtesa në ligjin nr. 133/2013, “Për sistemin e pagesave”

Lloji: Ligj

LIGJ

Nr. 102/2026

PËR DISA NDRYSHIME DHE SHTESA NË LIGJIN NR. 133/2013,

“PËR SISTEMIN E PAGESAVE”1

Në mbështetje të neneve 78 dhe 81, pika 1, të Kushtetutës, me propozimin e

Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 133/2013, “Për sistemin e pagesave” bëhen këto ndryshime dhe

shtesa:

Neni 1

Shkronjat “k” dhe “l”, të nenit 5 ndryshohen, si më poshtë:

“k) “Institucion” nënkupton:

i. një institucion krediti sipas përkufizimit në pikën 13/2, të nenit 5, të ligjit nr.

55/2020, “Për shërbimet e pagesave”, të ndryshuar;

ii. një subjekt që kryen veprimtari bankare ose financiare, përfshirë shërbime

pagesash, ushtrimi i veprimtarisë së të cilit rregullohet me ligj të veçantë;

iii. Bankën e Shqipërisë dhe banka qendrore të huaja;

iv. një shoqëri komisionere, veprimtaria e së cilës rregullohet sipas legjislacionit

për tregjet e kapitalit;

v. autoritetet publike dhe subjektet, detyrimet e të cilave janë të garantuara me

fonde publike; ose

vi. institucionet e kreditit ose shoqëritë komisionere të huaja, të rregulluara në

mënyrë të ngjashme me institucionet në nënndarjet “i” dhe “iv” të kësaj shkronje,

kur institucionet në nënndarjet “i” deri në “vi” të kësaj shkronje marrin pjesë në një

sistem pagesash dhe janë përgjegjëse për përmbushjen e detyrimeve financiare që

rrjedhin nga urdhrat e transfertave brenda këtij sistemi;