ON CERTAIN AMENDMENTS AND ADDITIONS TO LAW NO. 9355, DATED 10.3.2005 “ON SOCIAL ASSISTANCE AND SOCIAL SERVICES”, AS AMENDED

Lloji: Ligj

Fletore Zyrtare: nr. 34, datë 2011-04-07

LIGJ

Nr.10 399, datë 17.3.2011

PËR DISA NDRYSHIME DHE SHTESA NË LIGJIN NR. 9355, DATË 10.3.2005

“PËR NDIHMËN DHE SHËRBIMET SHOQËRORE”, TË NDRYSHUAR

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 9355, datë 10.3.2005 “Për ndihmën dhe shërbimet shoqërore”, të ndryshuar,

bëhen këto ndryshime dhe shtesa:

Neni 1

Në nenin 4 bëhen ndryshimet dhe shtesat e mëposhtme:

a) Pika 1 ndryshohet si më poshtë:

“1. “Ndihmë ekonomike” është mbështetja, në para, që u jepet familjeve dhe individëve

në nevojë, sipas përcaktimeve të bëra në këtë ligj.”.

b) Pas pikës 1 shtohet pika 1/1 me këtë përmbajtje:

“1/1. “Përfitime në natyrë” është mbështetja në mallra ushqimor e dhe të përdorimit të

përditshëm e në veshmbathje, që u jepen familjeve dhe individëve në nevojë, sipas përcaktimeve

të bëra në këtë ligj.”.

c) Në pikën 7, fjalët “shpërndarjen e ndihmës ekonomike” zëvendësohen me

fjalët “dokumentacionin e aplikantëve për përfitimin e ndihmës ekonomike dhe pagesës së

aftësisë së kufizuar”.

ç) Në fjalinë e dytë të pikës 13, pas fjalës “/fizike” shtohen fjalët “të verbrit”.

d) Pas pikës 23 shtohen pikat 24, 25, 26, 27, 28, 29, 30 dhe 31 me këtë përmbajtje:

“24. “Paraplegjik” është çdo person që vuan nga paraliza e dy anësive të poshtme.