Për ratifikimin e memorandUmit të mirëkuptimit, ndërmjet këshillit të ministrave të republikës së shqipërisë dhe kombeve të bashkuara, për kontributin e burimeve për misionin e kombeve të bashkuara në republikën e afrikës qendrore dhe në republikën e çadit (Minurcat)

Lloji: Akt normativ

Fletore Zyrtare: nr. 45

AKT NORMATIV

Nr.2, datë 8.4.2009

PËR RATIFIKIMIN E MEMORANDUMIT TË MIRËKUPTIMIT, NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE KOMBEVE TË BASHKUARA, PËR KONTRIBUTIN E BURIMEVE PËR MISIONIN E KOMBEVE TË BASHKUARA NË REPUBLIKËN E AFRIKËS QENDRORE DHE NË REPUBLIKËN E ÇADIT (MINURCAT)

Në mbështetje të neneve 101 e 121 të Kushtetutës, me propozimin e Ministrit të Punëve të Jashtme, Këshilli i Ministrave

VENDOSI:

Neni 1

Ratifikimin e memorandumit të mirëkuptimit ndërmjet Këshillit të Ministrave të Republikës së Shqipërisë dhe Kombeve të Bashkuara, për kontributin e burimeve për misionin e Kombeve të Bashkuara në Republikën e Afrikës Qendrore dhe në Republikën e Çadit (MINURCAT).

Neni 2

Ky akt normativ hyn në fuqi menjëherë.

KRYEMINISTRI

Sali Berisha

DFS/MINURCAT/ALB/01

MEMORANDUMI I MIRËKUPTIMIT

NDËRMJET KOMBEVE TË BASHKUARA DHE KËSHILLIT TË MINISTRAVE

TË REPUBLIKËS SË SHQIPËRISË

PËR TË KONTRIBUAR NË BURIMET E MISIONIT TË KOMBEVE TË BASHKUARA NË REPUBLIKËN AFRIKANE QENDRORE DHE ÇAD (MINURCAT)

duke pasur parasysh se misioni i Kombeve të Bashkuara në Republikën Afrikane Qendrore dhe Çad u krijua në vijim të rezolutës 1861, datë 14 janar 2009 të Këshillit të Sigurimit;