On the ratification of the Council of Europe Convention on Offences relating to Cultural Property, done in Nicosia on 19.5.2017

Lloji: Ligj

Fletore Zyrtare: nr. 1, datë 2025-01-07

LIGJ

Nr. 123/2024

PËR RATIFIKIMIN E KONVENTËS SË KËSHILLIT TË EVROPËS PËR VEPRAT

PENALE QË LIDHEN ME PASURINË KULTURORE, BËRË NË NIKOSIA MË 19.5.2017

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet Konventa e Këshillit të Evropës për Veprat Penale që Lidhen me Pasurinë Kulturore,

bërë në Nikosia më 19.5.2017, sipas tekstit që i bashkëlidhet këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 19.12.2024.

Shpallur me dekretin nr. 432, datë 27.12.2024, të Presidentit të Republikës së Shqipërisë, Bajram

Begaj.

Konventa e Këshillit të Evropës për Veprat Penale që Lidhen me Pasurinë Kulturore

Nikosia, 19.V.2017

Seria e Traktateve të Këshillit të Evropës – nr. 221

Hyrje

Shtetet anëtare të Këshillit të Evropës dhe nënshkruesit e tjerë të kësaj Konvente,

duke pasur parasysh se qëllimi i Këshillit të Evropës është të arrijë një unitet më të madh mes shteteve

anëtare;

duke qenë të bindur se pasuritë e ndryshme kulturore që u përkasin popujve përbëjnë një dëshmi unike

dhe të rëndësishme të kulturës dhe identitetit të këtyre popujve dhe formojnë trashëgiminë e tyre

kulturore;

të shqetësuar se veprat penale që lidhen me pasuritë kulturore janë në rritje dhe se këto vepra penale po