On certain amendments and additions to Law No. 55/2015, “On Strategic Investments in the Republic of Albania”, as amended

Lloji: Ligj

Fletore Zyrtare: nr. 40, datë 2025-02-26

LIGJ

Nr. 8/2025

PËR DISA SHTESA DHE NDRYSHIME NË LIGJIN NR. 55/2015, “PËR

INVESTIMET STRATEGJIKE NË REPUBLIKËN E SHQIPËRISË”, I NDRYSHUAR

Në mbështetje të neneve 78, 81, pika 1, dhe 83, pika 1, të Kushtetutës, me propozimin e një deputeti,

KUVENDI

I REPUBLIKËS SË SHQIPËRISË

VENDOSI:

Në ligjin nr. 55/2015, “Për investimet strategjike në Republikën e Shqipërisë”, i ndryshuar, bëhen

këto shtesa dhe ndryshime:

Neni 1

Në nenin 3, pika 8 ndryshon si më poshtë:

“8. “Konsolidimi i tokës” është tërësia e masave me qëllim saktësimin hartografik, ripërshtatjen apo

ristrukturimin e planifikuar të pronës, riregjistrimin e pasurisë, ndarjen e pasurisë, ndryshimin e regjimit

juridik dhe destinacionit të pasurisë, qartësimin e statusit të pronësisë, përfundimin me prioritet të

proceseve kalimtare dhe atyre të posaçme të pronësisë, dhe çdo masë tjetër që mundëson gëzimin,

ndryshimin e destinacionit të përdorimit dhe shfrytëzimit të tokës në çdo kombinim.”.

Neni 2

Në nenin 6, pas pikës 2 shtohet pika 2/1 me këtë përmbajtje:

“2/1. Portofoli i investimeve për promovim nga ana e Agjencisë përbëhet nga:

a) planet 3-vjeçare të strategjisë së zhvillimit të investimeve, sipas fushave të përgjegjësisë së secilës

ministri, si dhe kalendari 1-vjeçar i projekteve të investimit për të cilat ministritë janë iniciatore/

propozuese apo përgjegjëse dhe projektfisha përkatëse për projekte sipas përcaktimeve të këtij ligji. Ky

portofol