On inspection in the Republic of Albania

Lloji: Ligj

Fletore Zyrtare: nr. 192, datë 2024-11-13

LIGJ

Nr. 99/2024

PËR INSPEKTIMIN NË REPUBLIKËN E SHQIPËRISË

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti

Ky ligj ka për objekt përcaktimin e parimeve të përgjithshme të inspektimit, unifikimin e veprimtarisë

së inspektimit, në nivel qendror dhe vendor, përcaktimin e funksioneve, rregullave dhe procedurave, që

zbatohen gjatë ushtrimit të veprimtarisë së inspektimit, si dhe marrëdhënien e punësimit, rekrutimit,

trajnimit dhe ecurisë në karrierë të inspektorëve.

Neni 2

Qëllimi

Ky ligj ka si qëllim të sigurojë e të përcaktojë:

a) parimet bazë të inspektimit, të mbrojtjes së interesit publik, transparencës dhe llogaridhënies në

veprimtaritë e inspektimit;

b) përmirësimin e vazhdueshëm të veprimtarisë inspektuese përmes këshillimit dhe informimit të

subjekteve të inspektuara;

c) rritjen e efikasitetit të administratës publike, duke përfshirë teknologjinë në proceset e inspektimit;

ç) respektimin e të drejtave të subjekteve të inspektuara dhe mundësinë për të ushtruar të drejtën e

ankimit;

d) organizimin, rregullimin dhe menaxhimin e veprimtarisë së inspektimit, në nivel qendror dhe

vendor.

Neni 3

Fusha e veprimit

1. Ky ligj përcakton funksionet dhe rregullat për ushtrimin e veprimtarisë së inspektimit, në nivel

qendror dhe vendor, me përjashtim të: