On Certain Amendments and Additions to Law No. 8378, dated 22.7.1998, “The Road Traffic Code of the Republic of Albania”, as amended

Lloji: Ligj

Fletore Zyrtare: nr. 157, datë 2026-07-22

LIGJ

Nr. 58/2026

PËR DISA NDRYSHIME DHE SHTESA NË LIGJIN NR. 8378, DATË 22.7.1998,

“KODI RRUGOR I REPUBLIKËS SË SHQIPËRISË”, I NDRYSHUAR1

Në mbështetje të neneve 81, pika 2, dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 8378, datë 22.7.1998, “Kodi Rrugor i Republikës së Shqipërisë”, i ndryshuar, bëhen

këto ndryshime dhe shtesa:

Neni 1

Në nenin 10 bëhen ndryshimet dhe shtesat si më poshtë:

1. Kudo në nen fjalët “shkronja “n”” zëvendësohen me fjalët “shkronja “l””.

2. Në fund të pikës 6 shtohet shkronja “c” me këtë përmbajtje:

“c) që kanë të vendosura në to teknologji të reja ose shpikje, të cilat nuk plotësojnë një apo disa

kushte të përmasave gabaritë ose peshave dhe kryejnë operacione lokale transporti për një periudhë

prove.”.

Neni 61 ndryshohet si më poshtë:

Neni 2

“Neni 61

Përmasat gabaritë kufitare

1. Me përjashtim të rasteve të përcaktuara në nenin 10 të këtij ligji, mjetet rrugore, duke përfshirë

edhe ngarkesën e tyre, duhet të kenë përmasat gabaritë, të përcaktuara me vendim të Këshillit të

Ministrave.

2. Për të siguruar lëvizje të rregullt në kthesë të mjeteve dhe komplekseve të mjeteve, vendimi i

Këshillit të Ministrave përcakton kushtet që duhet të plotësojnë mjetet dhe mënyrën e kontrollit.

3. Mjetet që për kërkesa të veçanta funksionale, vetëm ose së bashku me ngarkesën e tyre, i