ON CERTAIN AMENDMENTS TO LAW NO. 10 168, DATED 22.10.2009, “ON DETERMINING THE FORM AND MODEL OF PRIVATISATION OF INSIG SHA”

Lloji: Ligj

Fletore Zyrtare: nr. 101, datë 2011-08-01

LIGJ

Nr.10 441, datë 7.7.2011

PËR DISA NDRYSHIME NË LIGJIN NR. 10 168, DATË 22.10.2009 “PËR PËRCAKTIMIN E

FORMËS DHE TË FORMULËS SË PRIVATIZIMIT TË INSIG SHA”

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 10 168, datë 22.10.2009 “Për përcaktimin e formës dhe të formulës së privatizimit të

INSIG sh.a.”, bëhen ndryshimet e mëposhtme:

Neni 1

Në nenin 2 pika 2, fjalët “në tregun kombëtar dhe ndërkombëtar” zëvendësohen me fjalët “në

tregun kombëtar dhe/ose ndërkombëtar”.

Neni 2

Neni 4 ndryshohet si më poshtë:

“Neni 4

Këshilltari i privatizimit dhe përzgjedhja e fituesit

1. Këshilltari i privatizimit asiston Ministrinë e Financave në procedurat e privatizimit të INSIG

sh.a., si dhe përgatit raportin për vlerësimin e të drejtave që lidhen me aksionet e shtetit në INSIG sh.a.

2. Marrëveshja e shitjes së aksioneve të INSIG sh.a. përgatitet nga Ministria e Financave, sipas

rregullave të përcaktuara në vendimin e Këshillit të Ministrave dhe miratohet nga Këshilli i Ministrave së

bashku me raportin e vlerësimit.”.

Neni 3

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.7056, datë 27.7.2011 të Presidentit të Republikës së Shqipërisë, Bamir Topi