ON THE RULES AND PROCEDURES FOR THE CONSTRUCTION OF THE NEW PARLIAMENTARY COMPLEX

Lloji: Ligj

Fletore Zyrtare: nr. 105, datë 2011-08-05

LIGJ

Nr.10 449, datë 14.7.2011

PËR RREGULLAT DHE PROCEDURAT E NDËRTIMIT

TË KOMPLEKSIT TË RI PARLAMENTAR

Në mbështetje të neneve 78 dhe 83 pika 1 të Kushtetutës, me propozimin e një grupi deputetësh,

KUVENDI

I REPUBLIKËS SË SHQIPËRISË

VENDOSI:

Neni 1

Objekti

Ky ligj ka për objekt përcaktimin e rregullave dhe procedurave, të drejtat, detyrimet dhe afatet në dispozicion të institucioneve respektive për ndërtimin e Kompleksit të Ri Parlamentar.

Neni 2

Shpallja e fituesit dhe projekti i zbatimit

1. Shpallja e fituesit të konkursit ndërkombëtar bëhet me vendim të Komisionit Shtetëror, të ngritur me vendimin e Kuvendit nr.66, datë 21.10.2010, mbi bazën e kritereve të përcaktuara në Rregulloren e Konkursit Ndërkombëtar.

2. Me fituesin e konkursit ndërkombëtar, të shpallur sipas pikës 1 të këtij neni, lidhet kontrata për projektin e zbatimit të projektit fitues.

3. Termat e kontratës së projektit të zbatimit të projektit fitues, koha e dorëzimit dhe vlera e projektit të zbatimit përcaktohen me vendim të Komisionit Shtetëror.

4. Vlera e projektit të zbatimit përcaktohet me vendim të Këshillit të Ministrave, duke marrë parasysh standardet europiane të veprave të ngjashme.

Neni 3

Autoriteti dhe procedurat për lejen e sheshit dhe lejen e ndërtimit