ON CERTAIN ADDITIONS AND AMENDMENTS TO LAW NO. 7703, DATED 11.5.1993, “ON SOCIAL INSURANCE IN THE REPUBLIC OF ALBANIA”, AS AMENDED

Lloji: Ligj

Fletore Zyrtare: nr. 103, datë 2011-08-03

4099

LIGJ

Nr.10 447, datë 14.7.2011

PËR DISA SHTESA DHE NDRYSHIME NË LIGJIN NR.7703, DATË 11.5.1993 “PËR

SIGURIMET SHOQËRORE NË REPUBLIKËN E SHQIPËRISË”, TË NDRYSHUAR

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.7703, datë 11.5.1993 “Për sigurimet shoqërore në Republikën e Shqipërisë”, të

ndryshuar, bëhen këto shtesa dhe ndryshime:

Neni 1

Në nenin 35 bëhen ndryshimet si më poshtë:

1. Paragrafi i katërt shfuqizohet.

2. Paragrafi i pestë ndryshohet si më poshtë:

“Rregullat për organizimin dhe funksionimin e KMCAP- ve Eprore caktohen me këtë ligj.

Rregullat për organizimin dhe funksionimin e KMCAP-ve të nivelit të parë caktohen me rregullore të

ISSH-së dhe Ministrisë së Shëndetësisë.”.

Neni 2

Pas nenit 39 shtohen nenet 39/1, 39/2, 39/3 dhe 39/4 me këtë përmbajtje:

“Neni 39/1

Ankimi në Komisionin Epror

1. Kundër vendimit të Komisionit Mjekësor të Caktimit të Aftësisë për Punë të nivelit të parë ,

personi mund të bëjë ankim brenda 30 ditëve në Komisionin Epror Mjekësor të Caktimit të Aftësisë për

Punë (më poshtë Komisioni Epror).

2. Ankimi paraqitet në formën e parashikuar me vendim të Këshillit të Ministrave.

3. Vendimi i Komisionit Epror është i formës së prerë.

Neni 39/2

Përbërja e Komisioneve Eprore