On Certain Additions and Amendments to Law No. 10 173, dated 22.10.2009, “On the Protection of Witnesses and Collaborators of Justice”

Lloji: Ligj

Fletore Zyrtare: nr. 135, datë 2011-10-03

LIGJ

Nr.10 461, datë 13.9.2011

PËR DISA SHTESA DHE NDRYSHIME NË LIGJIN NR.10 173, DATË 22.10.2009 “PËR

MBROJTJEN E DËSHMITARËVE DHE TË BASHKËPUNËTORËVE TË

DREJTËSISË”

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.10 173, datë 22.10.2009 “Për mbrojtjen e dëshmitarëve dhe të

bashkëpunëtorëve të drejtësisë”, bëhen këto shtesa dhe ndryshime:

Neni 1

Në nenin 9, pas pikës 6 shtohet pika 7 me këtë përmbajtje:

“7. Kryetari dhe anëtarët e komisionit marrin shpërblim financiar në masën dhe mënyrën

e përcaktuar me vendim të Këshillit të Ministrave.”.

Neni 2

Në nenin 28 bëhen këto shtesa dhe ndryshime:

1. Pas pikës 1 shtohet pika 1/1 me këtë përmbajtje:

“1/1. Vendim i Këshillit të Ministrave për shpërblimin financiar të kryetarit dhe anëtarëve

të komisionit, në zbatim të pikës 7 të nenit 9 të këtij ligji.”.

2. Në pikën 2, fjalia e parë riformulohet si më poshtë:

“2. Udhëzim i përbashkët i Ministrit të Brendshëm, Ministrit të Drejtësisë dhe Prokurorit

të Përgjithshëm për:”.

Neni 3

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.7087, datë 27.9.2011 të Presidentit të Republikës së

Shqipërisë, Bamir Topi