ON THE ELECTRONIC SUPERVISION OF PERSONS WHOSE MOVEMENT IS RESTRICTED BY COURT ORDER

Lloji: Ligj

Fletore Zyrtare: nr. 177, datë 2011-12-31

LIGJ

Nr.10 494, datë 22.12.2011

PËR MBIKËQYRJEN ELEKTRONIKE TË PERSONAVE, TË CILËVE

U KUFIZOHET LËVIZJA ME VENDIM GJYQËSOR

Në mbështetje të neneve 78 dhe 83 pika 1 të Kushtetutës, me pro pozimin e Këshillit të

Ministrave.

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti

Objekt i këtij ligji është përcaktimi i rregullave për realizimin e mbikëqyrjes elektronike,

në funksion të kontrollit të zbatimit të urdhërimeve që përmban një vendim gjyqësor, që cakton

një nga alternativat e dënimit me burgim, dënim plotësues, një nga llojet e masave shtrënguese,

apo një urdhër mbrojtjeje ose urdhër të menjëhershëm mbrojtjeje.

Neni 2

Qëllimi

Qëllimi i këtij ligji është rritja e sigurisë publike dhe garan timi i ekzekutimit efektiv të

vendimeve gjyqësore.

Neni 3

Përkufizime

Në këtë ligj, përveçse kur parashikohet shprehimisht ndryshe në dispozita të veçanta të

tij, termat e mëposhtëm kanë këto kuptime:

a) “Mbikëqyrje elektronike ose ME” është mekanizmi që garanton zbatimin efektiv të

vendimit gjyqësor, nëpërmjet përcaktimit në kohë reale të vendndodhjes së një personi, me anë të

përdorimit të mjeteve elektronike të vendosura në trupin e tij.

b) “Organi që realizon ME-në” është personi juridik, publik ose privat, që realizon ME-

në, sipas përcaktimeve të këtij ligji.