ON THE RATIFICATION OF THE PROTOCOL ON THE PRIVILEGES AND IMMUNITIES OF THE CENTRE FOR THE IMPLEMENTATION OF THE LAW IN SOUTHEASTERN EUROPE

Lloji: Ligj

Fletore Zyrtare: nr. 8, datë 2012-02-21

LIGJ

Nr. 5/2012

PËR RATIFIKIMIN E PROTOKOLLIT TË PRIVILEGJEVE

DHE IMUNITETEVE TË QENDRËS PËR ZBATIMIN E LIGJIT

NË EUROPËN JUGLINDORE

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet protokolli i privilegjeve dhe imuniteteve të Qendrës për Zbatimin e Ligjit në Europën Juglindore.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 2.2.2012

Shpallur me dekretin nr.7271, datë 14.2.2012 të Presidentit të Republikës së Shqipërisë, Bamir Topi

PROTOKOLLI

MBI PRIVILEGJET DHE IMUNITETET E QENDRËS PËR ZBATIMIN E LIGJIT NË EUROPËN JUGLINDORE

Palët e këtij Protokolli, duke pasur parasysh se konventa e Qendrës për Zbatimin e Ligjit në Europën Juglindore, bërë në Bukuresht, Rumani më 9 dhjetor 2009, parashikon që shtetet anëtare të lidhin një protokoll mbi privilegjet dhe imunitetet e Qendrës për Zbatimin e Ligjit në Europën Juglindore,

kanë rënë dakord si më poshtë:

KREU I

DISPOZITA TË PËRGJITHSHME

Neni 1

Përkufizime

Për qëllime të këtij Protokolli:

a) “Konventa e SELEC” nënkupton konventën e Qendrës për Zbatimin e Ligjit në Europën Juglindore, bërë në Bukuresht, Rumani, më 9 dhjetor 2009;

b) “SELEC” nënkupton Qendrën e Zbatimit të Ligjit në Europën Juglindore;

c) “Vendi pritës” nënkupton vendin ku ndodhet selia e SELEC;