On Certain Amendments and Additions to Law No. 8391, dated 28.10.1998, “On the National Information Service”, as amended

Lloji: Ligj

Fletore Zyrtare: nr. 164, datë 2026-07-29

LIGJ

Nr. 64/2026

PËR DISA NDRYSHIME DHE SHTESA NË LIGJIN NR. 8391, DATË 28.10.1998,

“PËR SHËRBIMIN INFORMATIV KOMBËTAR”, I NDRYSHUAR

Në mbështetje të neneve 78, 81, pika 1, dhe 83, pika 1, të Kushtetutës, me propozimin e Këshillit

të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 8391, datë 28.10.1998, “Për Shërbimin Informativ Kombëtar”, i ndryshuar, bëhen

këto ndryshime dhe shtesa:

Neni 1

1. Titulli i ligjit ndryshohet dhe zëvendësohet me “Për Shërbimin Informativ të Shtetit”.

2. Kudo në përmbajtje të ligjit bëhen këto ndryshime;

a) emërtimi “Shërbimi Informativ Kombëtar” zëvendësohet me emërtimin “Shërbimi Informativ

i Shtetit”;

b) shkurtimi “SHIK” zëvendësohet me shkurtimin “SHISH”;

c) emërtimi “Nënkomisionit të Përhershëm Parlamentar” zëvendësohet me fjalët “komisionit

përgjegjës për sigurinë”;

ç) fjalët “sigurimit kombëtar” zëvendësohen me fjalët “sigurisë kombëtare”;

d) fjalët “sigurimin kombëtar” zëvendësohen me fjalët “sigurinë kombëtare”.

Neni 2

Në paragrafin e parë të nenit 3 bëhen ndryshimet dhe shtesat e mëposhtme:

1. Tri nënndarjet e para ndryshohen si më poshtë:

“Mbledh informacion brenda dhe jashtë vendit në funksion të sigurisë kombëtare, sigurisë

kolektive dhe sfidave globale.

Mbledh informacion për kërcënimet që vijnë nga aktiviteti i shërbimeve të inteligjencës së huaj,