ON CERTAIN AMENDMENTS AND ADDITIONS TO LAW NO. 9232, DATED 13.5.2004, “ON SOCIAL PROGRAMMES FOR HOUSING URBAN RESIDENTS”, AS AMENDED

Lloji: Ligj

Fletore Zyrtare: nr. 61, datë 2012-06-05

LIGJ

Nr. 54/2012

PËR DISA NDRYSHIME DHE SHTESA NË LIGJIN NR. 9232, DATË 13.5.2004 “PËR PROGRAMET SOCIALE PËR STREHIMIN E BANORËVE TË ZONAVE URBANE”, TË NDRYSHUAR

Në mbështetje të neneve 78 e 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 9232, datë 13.5.2004 “Për programet sociale për strehimin e banorëve të zonave urbane”, të ndryshuar, bëhen këto ndryshime dhe shtesa:

Neni 1

Titulli i ligjit ndryshohet si më poshtë:

“PËR PROGRAMET SOCIALE TË STREHIMIT”.

Neni 2

Në nenin 1, pika 2 ndryshohet si më poshtë:

“2. Ky ligj e shtrin veprimtarinë në të gjithë territorin e Republikës së Shqipërisë.”.

Neni 3

Në nenin 2 bëhen këto ndryshime e shtesa:

1. Pika 11 ndryshohet si më poshtë:

“11. “Persona juridikë privatë” janë shoqëritë, shoqatat, fondacionet dhe entet e tjera me karakter privat, të cilat e fitojnë personalitetin juridik në mënyrën e caktuar nga legjislacioni në fuqi.”.

2. Pas pikës 17 shtohen pikat 18, 19, 20, 21, 22, 23, 24, 25, 26 e 27 me këtë përmbajtje:

“18. “Emigrant i rikthyer” janë kategoritë e përcaktuara në ligjin nr. 9668, datë 18.12.2006 “Për emigrimin e shtetasve shqiptarë për motive punësimi”.

19. “Punëtor emigrant” janë kategoritë e përcaktuara në ligjin nr. 9555, datë 8.6.2006 “Për ratifikimin e konventës europiane “Për statusin ligjor të punëtorëve emigrantë””.