ON THE ORGANIZATION AND FUNCTIONING OF THE NATIONAL GEO-SPATIAL INFORMATION INFRASTRUCTURE IN THE REPUBLIC OF ALBANIA

Lloji: Ligj

Fletore Zyrtare: nr. 89, datë 2012-07-31

LIGJ

Nr. 72/2012

PËR ORGANIZIMIN DHE FUNKSIONIMIN E INFRASTRUKTURËS KOMBËTARE TË INFORMACIONIT GJEOHAPËSINOR NË REPUBLIKËN E SHQIPËRISË

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti

Ky ligj përcakton rregullat për:

a) krijimin e infrastrukturës kombëtare të informacionit gjeohapësinor në Republikën e Shqipërisë;

b) organizimin dhe funksionimin e autoriteteve kombëtare të informacionit gjeohapësinor;

c) përcaktimin e kushteve të përgjithshme që lidhen me mbledhjen, krijimin, përpunimin, përditësimin, ndërveprimin, aksesin, ruajtjen, përdorimin dhe arkivimin e informacionit gjeohapësinor;

ç) detyrimet dhe kompetencat e autoriteteve publike për krijimin, sigurinë, aksesin dhe përdorimin e informacionit gjeohapësinor.

Neni 2

Fusha e veprimit

1. Ky ligj zbatohet për të gjitha metadatat, grupet e të dhënave gjeohapësinore dhe shërbimet e tyre që plotësojnë kriteret e mëposhtme:

a) lidhen me një ose më shumë nga temat e përcaktuara në këtë ligj dhe aktet nënligjore, në zbatim të tij;

b) lidhen me zona brenda territorit të Republikës së Shqipërisë;

c) janë në format elektronik;

ç) mbahen nga dhe për llogari të: