ON THE ACCESSION OF THE REPUBLIC OF ALBANIA TO THE CONVENTION “ON CONFLICT OF LAWS WITH REGARD TO THE FORM OF TESTAMENTARY DISPOSITIONS”

Lloji: Ligj

Fletore Zyrtare: nr. 177, datë 2012-12-31

LIGJ

Nr. 115/2012

PËR ADERIMIN E REPUBLIKËS SË SHQIPËRISË NË KONVENTËN “PËR KONFLIKTET E LIGJEVE NË LIDHJE ME FORMËN E DISPONIMEVE TESTAMENTARE”

Në mbështetje të neneve 78, 83 pika 1 dhe 121 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në konventën “Për konfliktet e ligjeve në lidhje me formën e disponimeve testamentare”, bërë në Hagë më 5 tetor 1961.

Neni 2

Në zbatim të nenit 10 të konventës, Republika e Shqipërisë nuk njeh disponimet e bëra verbalisht nga një shtetas shqiptar, i cili nuk posedon ndonjë shtetësi tjetër, me përjashtim të rrethanave të jashtëzakonshme.

Në zbatim të nenit 12 të konventës, Republika e Shqipërisë rezervon të drejtën e përjashtimit nga zbatimi i konventës të çdo dispozite testamentare, e cila, sipas legjislacionit shqiptar, nuk ka lidhje me çështje të së drejtës së trashëgimisë.

Neni 3

Ky ligj hyn në fuqi 15 ditë pas botimit në Fletoren Zyrtare.

Miratuar në datën 13.12.2012

Shpallur me dekretin nr.7873, datë 26.12.2012 të Presidentit të Republikës së Shqipërisë, Bujar Nishani

KONVENTA

PËR KONFLIKTET E LIGJEVE NË LIDHJE ME FORMËN E DISPONIMEVE TESTAMENTARE

(LIDHUR MË 5 TETOR 1961)

Shtetet nënshkruese të kësaj konvente,

Me dëshirën për të vendosur dispozita të përbashkëta për konfliktet e ligjit në lidhje me format e disponimeve testamentare,