On Certain Additions and Amendments to Law No. 9947, dated 7.7.2008, “On Industrial Property”

Lloji: Ligj

Fletore Zyrtare: nr. 29, datë 2013-03-11

LIGJ

Nr. 10/2013

PËR DISA SHTESA DHE NDRYSHIME NË LIGJIN NR. 9947, DATË 7.7.2008 “PËR PRONËSINË

INDUSTRIALE”

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 9947, datë 7.7.2008 “Për pronësinë industriale”, bëhen këto shtesa dhe ndryshime:

Neni 1

Kudo në ligj fjalët “Struktura përgjegjëse për mbikëqyrjen e tregut” zëvendësohen me fjalët

“Inspektorati që mbulon fushën e mbikëqyrjes së tregut”.

Neni 2

Në nenin 199, pika 1 ndryshohet si më poshtë:

“1. Çdo veprim i kryer në kundërshtim me përcaktimet e neneve 3 6, 127, 156 e 178 të këtij ligji, për

shkelje të të drejtave të pronësisë industriale, kur nuk përbën vepër penale, përbën ku ndërvajtje administrative

dhe dënohet me dënim kryesor me gjobë nga 100 000 deri në 500 0 00 lekë. Gjobat vendosen nga inspektorati

që mbulon fushën e mbikëqyrjes së tregut.”.

Neni 3

Pas nenit 199 shtohet neni 199/1 me këtë përmbajtje:

“Neni 199/1

Ankimi

Ndaj vendimit të inspektoratit mund të bëhet ankim në përputhje me ligjin nr. 10 433, datë 16.6.2011

“Për inspektimin në Republikën e Shqipërisë”.”.

Neni 4

Neni 200 ndryshohet si më poshtë:

“Neni 200

Kontrolli dhe mbikëqyrja e tregut të brendshëm

1. Kontrolli për zbatimin e këtij ligji në tregun e brendshëm bëhet në përputhje me ligjin për