On Certain Amendments and Changes to Law No. 7850, dated 29.7.1994, “The Civil Code of the Republic of Albania”, as amended

Lloji: Ligj

Fletore Zyrtare: nr. 67, datë 2013-05-03

LIGJ

Nr. 121/2013

PËR DISA SHTESA DHE NDRYSHIME NË LIGJIN NR. 7850, DATË 29.7.1994 “KODI CIVIL I REPUBLIKËS SË SHQIPËRISË”, TË NDRYSHUAR

Në mbështetje të neneve 81 pika 2 shkronja “d” dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 7850, datë 29.7.1994 “Kodi Civil i Republikës së Shqipërisë”, të ndryshuar, bëhen këto ndryshime e shtesa:

Neni 1

Neni 318 ndryshohet si më poshtë:

“Neni 318

Koha e çeljes së trashëgimisë

Trashëgimia çelet kur vdes trashëgimlënësi.

Në rastin e shpalljes së personit të vdekur, trashëgimia çelet ditën kur, sipas vendimit gjyqësor, personi konsiderohet i vdekur.”.

Neni 2

Pas nenit 318 shtohen nenet 318/1 dhe 318/2 me këtë përmbajtje:

“Neni 318/1

Vendi i çeljes së trashëgimisë

Trashëgimia çelet në vendin ku ka pasur vendbanimin e fundit trashëgimlënësi. Kur vendbanimi i fundit i trashëgimlënësit nuk dihet, trashëgimia çelet në vendin ku ndodhet e gjithë pasuria e tij ose pjesa kryesore e saj.

Neni 318/2

Ligji i zbatueshëm

Trashëgimia rregullohet sipas ligjit të kohës kur është çelur.”.

Neni 3

Neni 333 ndryshohet si më poshtë:

“Neni 333

Heqja dorë nga trashëgimia

Heqja dorë nga trashëgimia duhet të bëhet me deklaratë të shkruar, që regjistrohet te noteri i njësisë vendore ku është çelur trashëgimia, ose me deklaratë noteriale të redaktuar nga noteri.