On an Amendment and Addition to Law No. 10,383, dated 24.2.2011, “On Mandatory Health Care Coverage in the Republic of Albania”

Lloji: Ligj

Fletore Zyrtare: nr. 76, datë 2013-05-10

LIGJ

Nr. 126/2013

PËR NJË SHTESË DHE NDRYSHIM NË LIGJIN NR. 10 383, DATË 24.2.2011

“PËR SIGURIMIN E DETYRUESHËM TË KUJDESIT SHËNDETËSOR

NË REPUBLIKËN E SHQIPËRISË”

Në mbështetje të neneve 78 dhe 83 pika 1 të Kushtetutës, me pro pozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 10 383, datë 24.2 .2011 “Për sigurimin e detyrueshëm të kujdesit shëndetësor në

Republikën e Shqipërisë”, bëhen shtesa dhe ndryshimi i mëposhtëm:

Neni 1

Pas nenit 42 shtohet neni 42/1 me këtë përmbajtje:

“Neni 42/1

Nga data e hyrjes në fuqi të këtij ligji deri më 1 janar 2014, baza e llogaritjes së kontributit dhe përqindja

mbi të bëhen si më poshtë:

1. Kontributet llogariten:

a) në përqindje mbi pagën për:

i) personat e punësuar;

ii) të huajt e punësuar në Shqipëri;

b) në masë fikse për:

i) të vetëpunësuarit (shqiptarë dhe të huaj në Shqipëri) dhe punëdhënësit;

ii) punonjësit e papaguar të familjes;

c) në masë fikse për:

i) pjesën që derdhet nga Buxheti i Shtetit, sipas nenit 23.

2. Kontributi, sipas shkronjës “a” të pikës 1 të këtij neni, është 3,4 për qind e pagës bruto, duke pasur si

pagë minimale e maksimale atë të përcaktuar nga Këshilli i Ministrave për kontributet e sigurimeve shoqërore.

Pagesa e këtij kontributi ndahet në mënyrë të barabartë ndërmjet punëdhënësit dhe të punësuarit.