On certain amendments and additions to Law No. 8588, dated 15.3.2000, “On the organisation and functioning of the Supreme Court of the Republic of Albania”

Lloji: Ligj

Fletore Zyrtare: nr. 95, datë 2013-06-07

LIGJ

Nr. 151/2013

PËR DISA NDRYSHIME DHE SHTESA NË LIGJIN NR. 8588, DATË 15.3.2000 “PËR

ORGANIZIMIN DHE FUNKSIONIMIN E GJYKATËS SË LARTË TË REPUBLIKËS SË

SHQIPËRISË”

Në mbështetje të neneve 81 pika 2 shkronja “a” dhe 83 pika 1 të Kushtetutës, me propozi min e

Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 8588, datë 15.3.2000 “Për organizimin dhe funksionimin e Gjykatës së Lartë të

Republikës së Shqipërisë”, bëhen ndryshimet dhe shtesat e mëposhtme:

Neni 1

Neni 1 ndryshohet si më poshtë:

“Neni 1

Përbërja e Gjykatës së Lartë

Gjykata e Lartë përbëhet nga 19 gjyqtarë.”.

Neni 2

Neni 3 ndryshohet si më poshtë:

“Neni 3

Kushtet dhe kriteret për zgjedhjen e gjyqtarëve

1. Gjyqtar në Gjykatën e Lartë mund të zgjidhet shtetasi shqiptar, që përmbush këto kushte:

a) të ketë mbaruar arsimin e lartë juridik, Diplomë e Nivelit të Dytë;

b) të ketë punuar si:

i) gjyqtar për jo më pak se 13 vjet, nga të cilat të paktën 5 vite pune si gjyqtar pranë Gjykatës së

Apelit;

ii) jurist me jo më pak se 15 vjet përvojë profesionale në funksione publike në administratën e

Kuvendit, administratën e Presidentit, aparatin e Këshillit të Ministrave, ministri dhe institucione qendrore të

pavarura, në Gjykatën Kushtetuese dhe Gjykatën e Lartë, prokuror, avokat dhe personelin akademik të arsimit