On the approval of the Agreement for the performance of the audit service of ministers’ debts towards domestic and foreign businesses

Lloji: Ligj

Fletore Zyrtare: nr. 166, datë 2013-10-18

LIGJ

Nr. 162/2013

PËR MIRATIMIN E MARRËVESHJES PËR KRYERJEN E SHËRBIMIT TË AUDITIMIT TË BORXHIT TË MINISTRIVE KUNDREJT BIZNESIT VENDAS DHE TË HUAJ

Në mbështetje të neneve 81, pika 1, 83, pika 2, dhe 84, pika 4 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti i ligjit

Objekti i këtij ligji është nxjerrja e rezultatit aktual dhe real të borxhit të akumuluar në vite, që ministritë kanë ndaj biznesit dhe sipërmarrjes së lirë për punët e kryera, shërbimet e mallrat e blera, si dhe përpunimi i politikave të menaxhimit për shlyerjen e këtij borxhi, nëpërmjet kryerjes së procedurave të një auditimi të thelluar dhe gjithëpërfshirës.

Neni 2

Qëllimi

Qëllimi i këtij ligji është dhënia e autorizimit për auditimin e të dhënave të zotëruara nga administrata shtetërore dhe miratimi i marrëveshjes së asistencës me audituesin e autorizuar, nëpërmjet së cilës do të rregullohen marrëdhëniet për kryerjen e shërbimit të auditimit, në përputhje me objektin e këtij ligji.

Neni 3

Fusha e zbatimit

Subjekte të këtij ligji janë:

a) të gjitha institucionet shtetërore qendrore, që zotërojnë të dhëna apo që mund të përdorin të dhënat e lidhura me borxhin, llogaritja e të cilit është objekt i këtij ligji;

b) audituesi i autorizuar që do të ofrojë shërbimin e auditimit në zbatim të qëllimit të këtij ligji.

KREU II

Neni 4