ON THE RATIFICATION OF THE AGREEMENT BETWEEN THE REPUBLIC OF ALBANIA AND THE REPUBLIC OF KOSOVO ON THE STATUS OF MEMBERS OF THE ARMED FORCES OF THE REPUBLIC OF ALBANIA AND OF THE SECURITY FORCES OF THE REPUBLIC OF KOSOVO DURING THEIR TEMPORARY STAY ON THE RESPECTIVE STATES’ TERRITORIES

Lloji: Ligj

Fletore Zyrtare: nr. 23, datë 2014-03-04

LIGJ

Nr. 8/2014

PËR RATIFIKIMIN E MARRËVESHJES NDËRMJET REPUBLIKËS SË SHQIPËRISË DHE REPUBLIKËS SË KOSOVËS PËR STATUSIN E ANËTARËVE TË FORCAVE TË ARMATOSURA TË REPUBLIKËS SË SHQIPËRISË DHE TË FORCËS SË SIGURISË SË REPUBLIKËS SË KOSOVËS, GJATË QËNDRIMIT TË TYRE TË PËRKOHSHËM NË TERRITORIN E SHTETEVE PËRKATËSE

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja ndërmjet Republikës së Shqipërisë dhe Republikës së Kosovës për statusin e anëtarëve të Forcave të Armatosura të Republikës së Shqipërisë dhe të Forcës së Sigurisë së Republikës së Kosovës, gjatë qëndrimit të tyre të përkohshëm në territorin e shteteve përkatëse.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 6.2.2014

Shpallur me dekretin nr. 8501, datë 24.2.2014 të Presidentit të Republikës së Shqipërisë, Bujar Nishani

MARRËVESHJE

NDËRMJET REPUBLIKËS SË SHQIPËRISË DHE REPUBLIKËS SË KOSOVËS PËR STATUSIN E ANËTARËVE TË FORCAVE TË ARMATOSURA TË REPUBLIKËS SË SHQIPËRISË DHE TË FORCËS SË SIGURISË SË REPUBLIKËS SË KOSOVËS GJATË QËNDRIMIT TË TYRE TË PËRKOHSHËM NË TERRITORIN E SHTETEVE RESPEKTIVE

Republika e Shqipërisë dhe Republika e Kosovës,

duke e konsideruar bashkëpunimin në fushën e mbrojtjes dhe të sigurisë si shumë të rëndësishëm për paqen dhe stabilitetin në rajon dhe më gjerë,