ON THE WAIVER OF ADMINISTRATIVE PENALTIES IN THE FORM OF FINES IMPOSED BASED ON TAX CONTROLS AND VERIFICATIONS CARRIED OUT FOR THE PERIOD FROM 1 MARCH TO 31 AUGUST 2013

Lloji: Ligj

Fletore Zyrtare: nr. 67, datë 2014-05-14

LIGJ

Nr. 39/2014

PËR FALJEN E DËNIMEVE ADMINISTRATIVE NË FORMËN E GJOBAVE, TË VËNA NË BAZË TË KONTROLLEVE DHE VERIFIKIMEVE TATIMORE, TË KRYERA PËR PERIUDHËN

1 MARS DERI MË 31 GUSHT 2013

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Objekti i ligjit

Ky ligj parashikon faljen e gjobave të vendosura, si pjesë e detyrimit tatimor, nga administratat tatimore, qendrore dhe vendore, ndaj tatimpaguesve, të evidentuara dhe të kontabilizuara në regjistrat tatimorë për periudhën 1 mars deri më 31 gusht 2013.

Neni 2

Tatimpaguesit përfitues

Përfitojnë nga ky ligj të gjithë tatimpaguesit, persona fizikë dhe juridikë, të regjistruar në administratat tatimore, qendrore dhe vendore, dhe që janë debitorë për detyrimet tatimore të përcaktuara në nenin 3 të këtij ligji.

Neni 3

Falja e gjobave

1. Falen gjobat e vendosura si pjesë e detyrimit tatimor, që janë të evidentuara sipas datës së nxjerrjes së njoftim-vlerësimit (akti administrativ) ose të kontabilizuara në regjistrat e administratave tatimore, qendrore dhe vendore, gjatë periudhës 1 mars deri më 31 gusht 2013, ndaj tatimpaguesve, persona juridikë apo persona fizikë, të regjistruar në administratat tatimore.