ON CERTAIN AMENDMENTS AND ADDITIONS TO LAW NO. 9572, DATED 3.7.2006, “ON THE FINANCIAL SUPERVISION AUTHORITY”

Lloji: Ligj

Fletore Zyrtare: nr. 101, datë 2014-07-02

LIGJ

Nr. 54/2014

PËR DISA NDRYSHIME DHE SHTESA NË LIGJIN NR. 9572, DATË 3.7.2006, “PËR

AUTORITETIN E MBIKËQYRJES FINANCIARE”

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 9572, datë 3.7.2006, “Për Autoritetin e Mbikëqyrjes Financiare”, bëhen këto ndryshime dhe

shtesa:

Neni 1

Në nenin 3 bëhen këto ndryshime dhe shtesa:

1. Paragrafi i parë ndryshohet si më poshtë:

“Autoriteti është person juridik, publik, me qendër në Tiranë. Autoriteti është i pavarur në ushtrimin e

kompetencave të përcaktuara në këtë ligj ose në legjislacionin në fuqi dhe nuk lejohet ndërhyrja në veprimtarinë e

tij, e cila mund të cenojë pavarësinë e Autoritetit.”.

2. Pas paragrafit të parë shtohet një paragraf me këtë përmbajtje:

“Autoriteti ka të drejtë të nxjerrë akte, që janë rregulloret, rregullat, udhëzimet, manualet apo metodologjitë e

miratuara nga Bordi i Autoritetit, në zbatim të kompetencave të parashikuara në këtë ligj apo në legjislacionin

përkatës në fuqi, për përmbushjen e funksioneve rregullatore dhe mbikëqyrëse, si dhe për organizimin dhe

funksionimin e Autoritetit.”.

Neni 2

Neni 4 ndryshohet si më poshtë:

“Neni 4

Bordi i Autoritetit

Organi vendimmarrës i Autoritetit është Bordi, i cili përbëhet nga 5 anëtarë, nga të cilët, një kryetar, një drejtor i