On the Production, Transport, Marketing and Use of Biofuels and Other Renewable Fuels for Transport

Lloji: Ligj

Fletore Zyrtare: nr. 119, datë 2025-07-08

LIGJ

Nr. 46/2025

PËR PRODHIMIN, TRANSPORTIMIN, TREGTIMIN DHE PËRDORIMIN

E BIOKARBURANTEVE DHE TË LËNDËVE TË TJERA DJEGËSE,

TË RINOVUESHME PËR TRANSPORT1

Në mbështetje të neneve 78 e 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Qëllimi dhe objekti

1. Qëllimi i këtij ligji është promovimi i prodhimit dhe i përdorimit të biokarburanteve dhe të lëndëve

të tjera djegëse, të rinovueshme në sektorin e transportit në Republikën e Shqipërisë.

2. Objekti i këtij ligji është përcaktimi i rregullave për:

a) përmbushjen e objektivave lidhur me përdorimin e burimeve të rinovueshme, të përcaktuara në

kuadër të Komunitetit të Energjisë;

b) nxitjen e kultivimit të bimëve energjetike për të mbrojtur mjedisin nëpërmjet respektimit të

kritereve të qëndrueshmërisë dhe reduktimit të emetimeve të gazeve serrë për biokarburantet, biolëngjet

dhe lëndët djegëse nga biomasa;

c) plotësimin e kërkesave për cilësinë e karburanteve në sektorin e transportit.

Neni 2

Fusha e zbatimit

1. Ky ligj zbatohet në veprimtaritë e prodhimit dhe të përdorimit të biokarburanteve dhe të lëndëve

të tjera djegëse, të rinovueshme, të cilat në formë të pastër ose të përzier, në përqindje të caktuar me

nënprodukte të tjera të rafinimit të naftës bruto, përdoren në sektorin e transportit për motorë me djegie

të brendshme.