On State Border Control

Lloji: Ligj

Fletore Zyrtare: nr. 121, datë 2025-07-09

LIGJ

Nr. 39/2025

PËR KONTROLLIN E KUFIRIT SHTETËROR1

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti

Ky ligj përcakton rregullat për regjimin e kontrollit kufitar të personave që kalojnë kufirin shtetëror

të Republikës së Shqipërisë dhe bashkëveprimin ndërmjet autoriteteve kombëtare përgjegjëse për

kontrollin dhe mbikëqyrjen e kufirit shtetëror të Republikës së Shqipërisë.

Neni 2

Përkufizime

Në këtë ligj, përkufizimet e mëposhtme kanë këto kuptime:

1. “Kontroll kufitar” është veprimtaria që kryhet në përputhje dhe për qëllim të këtij ligji në kufirin

shtetëror të Republikës së Shqipërisë, si përgjigje posaçërisht ndaj një synimi për të kaluar ose aktit të

kalimit të kufirit, pavarësisht rrethanave dhe që përbëhet nga verifikimi kufitar dhe mbikëqyrja kufitare.

2. “Mbikëqyrja e kufirit” është tërësia e masave që zbaton Policia Kufitare dhe e Migracionit dhe

agjencitë e tjera të zbatimit të ligjit në segmentet e kufirit shtetëror ndërmjet pikave të kalimit kufitar dhe

në pikën e kalimit kufitar, përfshirë ujërat e brendshme dhe ujërat territoriale, me qëllim parandalimin

dhe goditjen e krimit ndërkufitar, kalimit të paligjshëm të kufirit dhe migracionit të parregullt.

3. “Menaxhimi i integruar i kufirit” është koordinimi dhe bashkëpunimi kombëtar e ndërkombëtar