On the Ratification of the Convention on the Establishment of the European Conference for Civil Aviation, concluded in Bern on 30 August 2025

Lloji: Ligj

Fletore Zyrtare: nr. 167, datë 2026-07-31

LIGJ

Nr. 72/2026

PËR RATIFIKIMIN E KONVENTËS PËR BYRONË E KONFERENCËS EVROPIANE

TË AVIACIONIT CIVIL, BËRË NË BERNË, MË 30 GUSHT 2025

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit

të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet Konventa për Byronë e Konferencës Evropiane të Aviacionit Civil, bërë në Bernë, më

30 gusht 2025, sipas tekstit që i bashkëlidhet këtij ligji dhe është pjesë përbërëse e tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 16.7.2026.

Shpallur me dekretin nr. 437, datë 28.7.2026, të Presidentit të Republikës së Shqipërisë,

Bajram Begaj.

KONVENTA

PËR BYRONË E KONFERENCËS EVROPIANE TË AVIACIONIT CIVIL

Shtetet palë të kësaj Konvente, në vijim të referuara si “palët”;

duke konfirmuar rolin, mandatin dhe objektivat strategjikë të Konferencës Evropiane të Aviacionit

Civil (Konferenca), siç parashikohet në Kushtetutën dhe Rregulloren e Procedurës;

duke njohur rolin e Sekretariatit të Konferencës Evropiane të Aviacionit Civil, në mbështetje të

aktiviteteve të Konferencës dhe në sigurimin e zbatimit të vendimeve të miratuara nga drejtorët e

përgjithshëm të Aviacionit Civil të shteteve anëtare të Konferencës Evropiane të Aviacionit Civil;

duke njohur nevojën që ka Sekretariati i Konferencës Evropiane të Aviacionit Civil për të pasur