On the Processing of Travel Information in the Republic of Albania

Lloji: Ligj

Fletore Zyrtare: nr. 122, datë 2025-07-10

LIGJ

Nr. 38/2025

PËR PËRPUNIMIN E INFORMACIONIT TË UDHËTIMIT

NË REPUBLIKËN E SHQIPËRISË1

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti

Ky ligj përcakton rregullat e transmetimit, përpunimit e të përdorimit të të dhënave të udhëtimit për

të gjithë transportuesit e pasagjerëve dhe të ngarkesave me karakter ndërkombëtar në Republikën e

Shqipërisë. Të dhënat e udhëtimit do të transmetohen, do të përpunohen dhe do të përdoren vetëm nga

një autoritet që ky ligj e cakton si pikën e vetme të marrjes, mbledhjes, analizimit, përpunimit, shkëmbimit

dhe përdorimit të informacionit të udhëtimit për qëllimet e përcaktuara në këtë ligj.

Neni 2

Qëllimi

Qëllimi i këtij ligji është rritja e sigurisë kombëtare, duke synuar rritjen e sigurisë së qytetarëve

nëpërmjet përpunimit të të dhënave të udhëtimit dhe të informacionit inteligjent nga një strukturë e

unifikuar.

Neni 3

Përkufizime

Në këtë ligj, termat e mëposhtëm kanë këto kuptime:

1. “Autoritet kombëtar mbikëqyrës për mbrojtjen e të dhënave personale” është institucioni i pavarur

në Republikën e Shqipërisë, i emërtuar Komisioneri për të Drejtën e Informimit dhe Mbrojtjen e të

Dhënave Personale.

2. “Autoritete kompetente” janë institucione të administratës shtetërore, të cilat kanë në strukturat e