ON THE ACCESSION OF THE REPUBLIC OF ALBANIA TO THE TREATY ON THE EUROPEAN VEHICLE INFORMATION SYSTEM AND DRIVING LICENCE (EUCARIS)

Lloji: Ligj

Fletore Zyrtare: nr. 175, datë 2014-11-18

LIGJ

Nr. 145/2014

PËR ADERIMIN E REPUBLIKËS SË SHQIPËRISË NË TRAKTATIN PËR SISTEMIN EUROPIAN TË INFORMACIONIT PËR AUTOMJETIN DHE LEJEN E DREJTIMIT (EUCARIS)

Në mbështetje të neneve 78, 83, pika 1, dhe 121, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në Traktatin për Sistemin Europian të Informacionit për Automjetin dhe Lejen e Drejtimit (EUCARIS).

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 23.10.2014

Shpallur me dekretin nr. 8783, datë 12.11.2014 të Presidentit të Republikës së Shqipërisë, Bujar Nishani

TRAKTAT

NË LIDHJE ME SISTEMIN EVROPIAN TË INFORMACIONIT PËR AUTOMJETIN DHE LEJEN E DREJTIMIT (EUCARIS)

Mbretëria e Belgjikës, Republika Federale e Gjermanisë, Dukati i Madh i Luksemburgut, Mbretëria e Holandës, Mbretëria e Bashkuar e Britanisë së Madhe dhe Irlanda e Veriut; më poshtë të quajtura “Palë kontraktuese”,

Duke vlerësuar se është detyrë e autoriteteve qendrore përgjegjëse për regjistrimin e të dhënave për automjetet dhe lejet e drejtimit, të kontribuojnë në parandalimin, hetimin dhe ndjekjen penale të shkeljeve kundër rregullave të Shteteve individuale;