On Trademarks

Lloji: Ligj

Fletore Zyrtare: nr. 138, datë 2025-08-01

LIGJ

Nr. 52/2025

PËR MARKAT TREGTARE1

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

PJESA I

DISPOZITA TË PËRGJITHSHME

Neni 1

Objekti

Ky ligj përcakton:

a) rregullat, kriteret dhe procedurat për regjistrimin e markave tregtare;

b) të drejtat që rrjedhin prej regjistrimit të markave tregtare;

c) rregullimin e markave tregtare si objekte të pronësisë dhe procedurat për regjistrimin e ndryshimeve

në regjistrin e markave tregtare;

ç) rregullat, kushtet dhe procedurat për shfuqizimin dhe pavlefshmërinë e markave tregtare;

d) rregullat për administrimin e sistemit dhe regjistrit të markave tregtare;

dh) mbrojtjen e të drejtave të markave tregtare në rastet e shkeljes së këtyre të drejtave.

Neni 2

Qëllimi

Qëllimi i këtij ligji është rregullimi në mënyrë të plotë i marrëdhënieve juridike që lidhen me markat

tregtare në territorin e Republikës së Shqipërisë.

Neni 3

Fusha e veprimit

Ky ligj zbatohet për:

a) kërkesat për regjistrimin e markave tregtare;

b) markat tregtare;

c) markat tregtare kolektive dhe certifikuese;

ç) regjistrimet ndërkombëtare të markave tregtare.

Neni 4

Përkufizime

1 Ky ligj përafron plotësisht:

- Rregulloren (BE) 2017/1001, të Parlamentit Evropian dhe të Këshillit, të datës 14 qershor 2017, për markat tregtare të