ON CERTAIN ADDITIONS AND AMENDMENTS TO LAW NO. 8454, DATED 4.2.1999, “ON THE OMBUDSMAN”, AS AMENDED

Lloji: Ligj

Fletore Zyrtare: nr. 195, datë 2014-12-24

LIGJ

Nr. 155/2014

PËR DISA SHTESA DHE NDRYSHIME NË LIGJIN NR. 8454, DATË 4.2.1999,

“PËR AVOKATIN E POPULLIT”, TË NDRYSHUAR

Në mbështetje të neneve 60-63, 81, pika 2, dhe 83, pika 1, të Kushtetutës, me propozimin e

Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 8454, da të 4.2.1999, “Për Avokatin e Popullit”, të ndryshuar, bëhen këto shtesa dhe

ndryshime:

Neni 1

Në nenin 2 bëhen shtesat e mëposhtme:

a) Në fund të paragr afit të parë shtohet fjalia me këtë përmbajtje:

“Ai është nxitës i standardeve më të larta të të drejtave dhe lirive të njeriut në vend.”.

b) Në paragrafin e dytë, pas fjalëve “të refugjatëve” shtohet fjala “azilkërkuesve”.

Neni 2

Në nenin 7, titulli dhe fjalia e parë ndryshohen si më poshtë:

“Neni 7

Mbarimi i mandatit të Avokatit të Popullit

Mandati i Avokatit të Popullit mbaron:”.

Neni 3

Në nenin 8, titulli ndryshohet si më poshtë:

“Shkarkimi i Avokatit të Popullit”.

Neni 4

Neni 9 ndryshohet si më poshtë:

“Neni 9

Zgjedhja e Avokatit të ri të Popullit

1. Kuvendi i Shqipërisë, jo më vonë se tre muaj përpara përfundimit të mandatit të përcaktuar në

nenin 7, shkronja “b”, publikon shpalljen e vendit vakant të Avokatit të Popullit. Në këtë rast, Avokati i

Popullit qëndron në detyrë deri në zgjedhjen e Avokatit të ri.