On the Accession of the Republic of Albania to the Multilateral Agreement among the South-Eastern European Countries for the Implementation of the Convention “On Environmental Impact Assessment in a Transboundary Context”.

Lloji: Ligj

Fletore Zyrtare: nr. 32, datë 2015-03-09

LIGJ

Nr. 11/2015

PËR ADERIMIN E REPUBLIKËS SË SHQIPËRISË NË MARRËVESHJEN

SHUMËPALËSHE NDËRMJET VENDEVE TË EUROPËS JUGLINDORE PËR

ZBATIMIN E KONVENTËS “PËR VLERËSIMIN E NDIKIMIT MJEDISOR

NË KONTEKST NDËRKUFITAR”

Në mbështetje të neneve 78 dhe 83, pika 1, dhe 121 të Kushtetutës, me propozimin e Këshillit të

Ministrave

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në marrëveshjen shumëpalëshe ndërmjet vendeve të Europës

Juglindore për zbatimin e konventës “Për vlerësimin e ndikimit mjedisor në kontekst ndërkufitar”

(ESPOO).

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 19.02.2015

Shpallur me dekretin nr. 8993, datë 6.3.2015 të Presidentit të Republikës së Shqipërisë, Bujar

Nishani

MARRËVESHJE SHUMËPALËSHE

NDËRMJET SHTETEVE TË EUROPËS JUG LINDORE PËR ZBATIMIN E KONVENTËS

PËR VLERËSIMIN E NDIKIMIT MJEDISOR NË KONTEKST NDËRKUFITAR

Palët e kësaj Marrëveshjeje,

duke marrë parasysh se jo të gjitha palët e kësaj Marrëveshjeje janë palë në Konventën e Vlerësimit

të Ndikimit Mjedisor në Kontekst Ndërkufitar,

duke dëshiruar të zbatojnë hollësisht dispozitat e kësaj Konvente,

kanë rënë dakord sa më poshtë:

Neni 1

Për qëllimet e kësaj Marrëveshjeje,

1. “Palë” nënkupton, nëse konteksti nuk përcakton ndryshe, një Palë Kontraktuese në këtë

Marrëveshje.