On the Ratification of the Agreement between the Council of Ministers of the Republic of Albania and the Government of the Italian Republic on the Mutual Protection of Classified Information.

Lloji: Ligj

Fletore Zyrtare: nr. 59, datë 2015-04-17

LIGJ

Nr. 29/2015

PËR RATIFIKIMIN E MARRËVESHJES NDËRMJET KËSHILLIT TË MINISTRAVE

TË REPUBLIKËS SË SHQIPËRISË DHE QEVERISË SË REPUBLIKËS SË ITALISË

PËR MBROJTJEN E NDËRSJELLË TË INFORMACIONIT TË KLASIFIKUAR

Në mbështetje të neneve 78, 83, pika 1, dhe 121, pika 1, të Kushtetutës, me propozimin e

Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja ndërmjet Këshillit të Ministrave të Republikës së Shqipërisë dhe

Qeverisë së Republikës së Italisë për mbrojtjen e ndërsjellë të informacionit të klasifikuar, sipas

tekstit bashkëlidhur këtij ligji dhe pjesëve përbërëse të tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 26.3.2015

Shpallur me dekretin nr. 9045, datë 10.4.2015 të Presidentit të Republikës së Shqipërisë,

Bujar Nishani

MARRËVESHJE

NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE

QEVERISË SË REPUBLIKËS ITALIANE PËRMBROJTJEN E NDËRSJELLËTË

INFORMACIONIT TË KLASIFIKUAR

Këshilli i Ministrave i Republikës së Shqipërisë dhe Qeveria e Republikës Italiane (më poshtë të

quajtura “Palët”),

duke pranuar rolin e rëndësishëm të bashkëpunimit të tyre reciprok për stabilizimin e paqes,

sigurisë ndërkombëtare dhe besimit të ndërsjellë;

duke pranuar se bashkëpunimi i mirë kërkon shkëmbimin e informacionit të klasifikuar ndërmjet

Palëve;