On an addition and amendment to Law No. 9920, dated 19.5.2008, “On Tax Procedures in the Republic of Albania”, as amended.

Lloji: Ligj

Fletore Zyrtare: nr. 144, datë 2015-08-07

LIGJ

Nr. 91/2015

PËR NJË SHTESË DHE NDRYSHIM NË LIGJIN NR.9920, DATË 19.5.2008, “PËR

PROCEDURAT TATIMORE NË REPUBLIKËN E SHQIPËRISË”, TË NDRYSHUAR

Në mbështetje të neneve 78, 81, pika 1, 83, pika 1, dhe 155 të Kushtetutës, me propozimin e një grupi

deputetësh,

KUVENDI

I REPUBLIKËS SË SHQIPËRISË

VENDOSI:

Në ligjin nr.9920, datë 19.5.2008, “Për procedurat tatimore në Republikën e Shqipërisë”, të ndryshuar,

bëhen shtesa dhe ndryshimi si më poshtë:

Neni 1

Në nenin 16, “Struktura e administratës tatimore qendrore”, pika 3, pas shkronjës “ë” shtohet

shkronja “f” me këtë përmbajtje:

“f) rimbursimi tatimor.”.

Neni 2

Në nenin 75/1, “Rimbursimi i TVSH-së dhe kompensimi i detyrimeve tatimore”, pika 1 riformulohet

si më poshtë:

“1. Personat e tatueshëm, të regjistruar për TVSH -në, që rezultojnë me tepricë kreditore, kanë të

drejtë të paraqesin kërkesën për rimbursimin e TVSH-së së paguar tepër pranë Drejtorisë së Rimbursimit

të TVSH-së në Drejtorinë e Përgjithshme të Tatimeve. Kjo kërkesë paraqitet sipas formularit të miratuar

“Kërkesë për rimbursimin e TVSH-së”.

Brenda 60 ditëve nga data e paraqitjes së kërkesës së tatimpaguesit dhe brenda 30 ditëve nga data e

paraqitjes së kërkesës së tatimpaguesve eksportues, Drejtoria e Rimbursimit të TVSH-së në Drejtorinë e

Përgjithshme të Tatimeve, në bashkëpunim me drejtorinë rajonale tatimore, ku është i regjistruar