ANNEX NO. 3 TO LAW NO. 147, DATED 17.12.2015 “ON THE BUDGET FOR 2016”, PUBLISHED IN OFFICIAL GAZETTE NO. 236/2015.

Lloji: Ligj

Fletore Zyrtare: nr. 253, datë 2015-12-31

ANEKSI NR. 3 I LIGJIT NR. 147, DATË 17.12.2015 “PËR BUXHETIN E VITIT 2016”, BOTUAR NË FLETOREN ZYRTARE NR. 236/2015

ANEKSI 3

FONDI PËR ZHVILLIMIN E RAJONEVE

1. Fondi për Zhvillimin e Rajoneve është një instrument zhvillimor dhe një mekanizëm financiar konkurrues që mbështet politikën kombëtare të zhvillimit rajonal dhe lokal, për të siguruar zbatimin e objektivave të politikës së kohezionit territorial, për të pasur rajone me zhvillim të balancuar, konkurruese dhe me zhvillim të qëndrueshëm ekonomik, social e mjedisor.

2. Për vitin 2016, Fondi për Zhvillimin e Rajoneve përbëhet nga 3 shtylla:

2.1 Shtylla I: Programi i Zhvillimit të Infrastrukturës Vendore dhe Rajonale Vendore

Ky Program përbëhet nga 6 grante konkurruese, specifikuar si më poshtë vijojnë:

1. Granti për infrastrukturën vendore dhe rajonale;

2. Grantet për arsimin:

a) Granti për arsimin bazë;

b) Granti për arsimin e mesëm;

c) Granti për arsimin universitar;

d) Granti për sportin.

3. Granti për shëndetësinë (shërbimet e kujdesit shëndetësor parësor);

4. Granti për artin dhe kulturën;

5. Granti për ujësjellës-kanalizime;

6. Granti për rehabilitim mjedisor, gjelbërim dhe pyllëzimin.

Programet e Shtyllës 1: Programi i Zhvillimit të Infrastrukturës Vendore dhe Rajonale, detajohen në aneksin 3/1, këtu bashkëlidhur.

2.2 Shtylla II: Programi i Mbështetjes për Ekonominë. Ky program përbëhet nga një grant konkurrues si më poshtë vijojnë: