On Certain Additions and Amendments to Law No. 9251, dated 8.7.2004, “The Maritime Code of the Republic of Albania”, as amended

Lloji: Ligj

Fletore Zyrtare: nr. 175, datë 2026-08-06

LIGJ

Nr. 84/2026

PËR DISA SHTESA DHE NDRYSHIME NË LIGJIN NR. 9251, DATË 8.7.2004,

“KODI DETAR I REPUBLIKËS SË SHQIPËRISË”, I NDRYSHUAR

Në mbështetje të neneve 78, 81, pika 1, dhe 83, pika 1, të Kushtetutës, me propozimin e një

deputeti,

KUVENDI

I REPUBLIKËS SË SHQIPËRISË

VENDOSI:

Në ligjin nr. 9251, datë 8.7.2004, “Kodi Detar i Republikës së Shqipërisë”, i ndryshuar, bëhen

këto shtesa dhe ndryshime:

Neni 1

1. Kudo në ligj ku është përdorur emërtimi “Ministri i Transportit dhe Telekomunikacionit”

zëvendësohet me emërtimin “ministri përgjegjës për transportin”.

2. Kudo në ligj ku është përdorur emërtimi “Kapiteneria e Përgjithshme e Porteve” zëvendësohet

me emërtimin “Administrata Detare.”.

Neni 2

Në nenin 6 bëhet ndryshimi dhe shtesat, si më poshtë:

a) Titulli i nenit ndryshohet dhe titullohet “Përkufizime”;

b) Pas pikës 4 shtohen pikat 5, 6, 7, 8, 9, 10, 11, 12, 13, 14 dhe 15 me këtë përmbajtje:

“5. “Administrata Detare” është autoriteti kompetent shtetëror i Republikës së Shqipërisë,

përgjegjës për zbatimin, monitorimin dhe sigurimin e përputhshmërisë me instrumentet detare

ndërkombëtare të miratuara nga Organizata Ndërkombëtare Detare, përfshirë Kodin për Zbatimin e

Instrumenteve të IMO-s (III Code), në ushtrimin e funksioneve të shtetit të flamurit, shtetit portual

dhe shtetit bregdetar.

6. “Autoritet Portual” është autoriteti publik i krijuar me ligj për administrimin, zhvillimin dhe