ON THE RATIFICATION OF THE AGREEMENT BETWEEN THE COUNCIL OF MINISTERS OF THE REPUBLIC OF ALBANIA AND THE GOVERNMENT OF THE REPUBLIC OF ITALY ON THE CONVERSION OF DEVELOPMENT DEBT

Lloji: Ligj

Fletore Zyrtare: nr. 191, datë 2016-10-14

LIGJ

Nr. 94/2016

PËR RATIFIKIMIN E MARRËVESHJES NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË REPUBLIKËS SË ITALISË PËR KONVERTIMIN E BORXHIT PËR ZHVILLIM

Në mbështetje të neneve 78, 83, pika 1, dhe 121, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja ndërmjet Këshillit të Ministrave të Republikës së Shqipërisë dhe Qeverisë së Republikës së Italisë për konvertimin e borxhit për zhvillim, sipas tekstit që i bashkëlidhet këtij ligji dhe është pjesë përbërëse e tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 29.9.2016

Shpallur me dekretin nr. 9761, datë 12.10.2016, të Presidentit të Republikës së Shqipërisë, Bujar Nishani

MARRËVESHJE

MBI PROGRAMIN PËR KONVERTIMIN E BORXHIT PËR ZHVILLIM NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË REPUBLIKËS SË ITALISË

Këshilli i Ministrave i Republikës së Shqipërisë, i përfaqësuar nga Ministria e Financave dhe Qeveria e Republikës së Italisë, e përfaqësuar nga Ministria e Punëve të Jashtme dhe Bashkëpunimit Ndërkombëtar, më poshtë të referuara si “Palët”, me synim nxitjen e bashkëpunimit të tyre dypalësh dhe lehtësimin e barrës së borxhit shqiptar,

duke pasur parasysh se:

Një protokoll dypalësh për bashkëpunimin për zhvillim është nënshkruar nga palët në Tiranë, më 11 dhjetor 2014.