RAILWAY CODE OF THE REPUBLIC OF ALBANIA

Lloji: Ligj

Fletore Zyrtare: nr. 265, datë 2016-12-31

LIGJ

Nr. 142/2016

KODI HEKURUDHOR I REPUBLIKËS

SË SHQIPËRISË1

Në mbështetje të neneve 81, pika 2, shkronja “d”, dhe 83, pika 1, të Kushtetutës, me propozimin

e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

PJESA E PARË

DISPOZITA TË PËRGJITHSHME

Neni 1

Objekti

Ky Kod përcakton:

a) rregullat e zbatueshme për administrimin e infrastrukturës hekurudhore dhe të aktiviteteve të

transportit hekurudhor të sipërmarrësve hekurudhorë dhe operatorëve, veprimtaria e të cilëve rregullohet

me anë të këtij Kodi;

b) kriteret e zbatueshme për Autoritetin Rregullator Hekurudhor, Autoritetin e Sigurisë

Hekurudhore, Autoritetin Licencues Hekurudhor dhe për Autoritetin Kombëtar të Investigimit të

Aksidenteve dhe Incidenteve Hekurudhore;

c) parimet dhe procedurat e zbatueshme për vendosjen dhe mbledhjen e tarifave të

infrastrukturës hekurudhore dhe ndarjen e kapaciteteve të infrastrukturës hekurudhore.

Neni 2

Qëllimi

Ky Kod ka si qëllim:

a) krijimin e një kuadri ligjor të favorshëm dhe të qëndrueshëm për nxitjen dhe zhvillimin e

transportit hekurudhor bashkëkohor në territorin e Republikës së Shqipërisë;

b) zhvillimin e një transporti hekurudhor efikas dhe konkurrues me llojet e tjera të transportit,

duke krijuar kushtet që sipërmar rësit hekurudhorë të kenë statusin e operatorëve të pavarur e të