On Certain Additions and Amendments to Law No. 7850, dated 29.7.1994, “The Civil Code of the Republic of Albania”, as amended

Lloji: Ligj

Fletore Zyrtare: nr. 172, datë 2026-08-05

LIGJ

Nr. 82/2026

PËR DISA SHTESA DHE NDRYSHIME NË LIGJIN NR. 7850, DATË 29.7.1994,

“KODI CIVIL I REPUBLIKËS SË SHQIPËRISË”, I NDRYSHUAR1

Në mbështetje të neneve 78, 81, pika 1, dhe 83, pika 1, të Kushtetutës, me propozimin e një

deputeti,

KUVENDI

I REPUBLIKËS SË SHQIPËRISË

VENDOSI:

Në ligjin nr. 7850, datë 29.7.1994, “Kodi Civil i Republikës së Shqipërisë”, i ndryshuar, bëhen

shtesat dhe ndryshimet, si më poshtë:

Neni 1

Në nenin 463 shtohet paragrafi i dytë me këtë përmbajtje:

“Përjashtimisht, afatet e ekzekutimit të detyrimeve monetare dhe lindjen e kamatëvonesave në

transaksionet tregtare ndërmjet sipërmarrjeve, si dhe ndërmjet sipërmarrjeve dhe autoriteteve publike

rregullohen sipas parashikimeve të ligjit për pagesat e vonuara në detyrimet kontraktore e tregtare.”.

Neni 628 ndryshohet si më poshtë:

Neni 2

“Neni 628

Prodhuesi është përgjegjës për dëmin e shkaktuar nga të metat e produkteve të tij, përveç kur:

a) prodhuesi ose importuesi nuk ka vënë në qarkullim produktet në treg ose në shërbim;

b) në rastin e një distributori, ky i fundit nuk e ka bërë produktin të disponueshëm në treg;

c) sipas rrethanave të vërtetuara, vlerësohet sipas ligjit se të metat që kanë shkaktuar dëmin nuk

ekzistonin në kohën e vënies në qarkullim të produktit në treg, të vënë në shërbim ose, në rastin e një

distributori, të bërjes të disponueshëm në treg, ose ato kanë lindur më vonë;