ON CERTAIN AMENDMENTS AND ADDITIONS TO LAW NO. 9643, DATED 20.11.2006, “ON PUBLIC PROCUREMENT”, AS AMENDED¹

Lloji: Ligj

Fletore Zyrtare: nr. 93, datë 2017-05-03

LIGJ

Nr. 47/2017

PËR DISA NDRYSHIME DHE SHTESA NË LIGJIN NR. 9643, DATË 20.11.2006, “PËR

PROKURIMIN PUBLIK”, TË NDRYSHUAR1

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 9643, datë 20.11.2006, “Për prokurimin publik”, të ndryshuar, bëhen këto ndryshime dhe

shtesa:

Neni 1

Në nenin7, shkronja “c” ndryshohet si më poshtë:

“c) shërbime arbitrazhi dhe ndërmjetësimi, shërbimet e përfaqësimit nga avokati në arbitrazh dhe në

proceset gjyqësore, shërbimet noteriale, avokatët e cakt uar kryesisht, si dhe ekspertizës për nevoja të

procedimit penal, rregulluar sipas Kodit të Procedurës Penale.”.

Neni 2

Në nenin 13, pika 2, shkronja “g”, përpara fjalëve “rekomandimet e organeve audituese për procedurat

e prokurimit,” shtohet fjala “shqyrton”.

Neni 3

Nenet 19/1, 19/2, 19/3, 19/4, 19/5, 19/6 dhe 19/7 ndryshohen si më poshtë:

“Neni 19/1

Komisioni i Prokurimit Publik

1. Komisioni i Prokurimit Publik është organi më i lartë në fushën e prokurimeve, që shqyrton ankesat

për procedurat e prokurimit, në përputhje me kërkesat e përcaktuara në këtë ligj.

2. Komisioni i Prokurimit Publik është person juridik publik, i pavarur, që financohet nga Buxheti i

Shtetit.

3. Komisioni i Prokurimit Publik merr vendime mbi ankesat e paraqitura para tij, duke mbajtur parasysh,