On Transparency Requirements for Issuers of Securities

Lloji: Ligj

Fletore Zyrtare: nr. 175, datë 2026-08-06

LIGJ

Nr. 80/2026

PËR KËRKESAT E TRANSPARENCËS PËR EMETUESIT E TITUJVE1

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti dhe fusha e zbatimit

1. Ky ligj përcakton kërkesat për publikimin e informacionit periodik dhe të vazhdueshëm për

emetuesit, titujt e të cilëve janë pranuar për tregtim në një treg të rregulluar që ndodhet ose që ushtron

veprimtari në Republikën e Shqipërisë apo brenda një shteti anëtar të Bashkimit Evropian.

2. Kërkesat e këtij ligji nuk zbatohen për kuotat e emetuara nga sipërmarrjet e investimeve

kolektive, të ndryshme nga ato me pjesëmarrje të mbyllur ose për kuotat që janë blerë, ose janë shitur

në sipërmarrje të tilla investimi kolektiv.

1 Ky ligj është përafruar plotësisht, me:

- direktivën 2004/109/EC e Parlamentit Evropian dhe të Këshillit, datë 15 dhjetor 2004, “Për harmonizimin e kërkesave

për transparencën, në lidhje me informacionin për emetuesit, titujt e të cilëve janë të pranuar për tregtim në një treg të

rregulluar”, dhe që ndryshon direktivën 2001/34/EC;

- direktivën 2007/14/EC e Komisionit, datë 8 mars 2007, “Për përcaktimin e rregullave të detajuara për zbatimin e disa

dispozitave të direktivës 2004/109/EC, të Parlamentit Evropian dhe të Këshillit, datë 15 dhjetor 2004, ‘Për harmonizimin