ON THE ACCESSION OF THE REPUBLIC OF ALBANIA TO THE INTERNATIONAL AGREEMENT ON OLIVE OIL AND TABLE OLIVES, 2015

Lloji: Ligj

Fletore Zyrtare: nr. 232, datë 2017-12-28

LIGJ

Nr. 112/2017

PËR ADERIMIN E REPUBLIKËS SË SHQIPËRISË NË MARRËVESHJEN NDËRKOMBËTARE PËR VAJIN E ULLIRIT DHE ULLINJTË E TAVOLINËS, 2015

Në mbështetje të neneve 78,83, pika 1, dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në marrëveshjen ndërkombëtare për vajin e ullirit dhe ullinjtë e tavolinës, 2015, sipas tekstit që i bashkëlidhet këtij ligji dhe është pjesë përbërëse e tij.

Neni 2

Ligji nr. 10028, datë 11.12.2008, “Për aderimin e Republikës së Shqipërisë në marrëveshjen ndërkombëtare për ullirin dhe vajin e ullirit”, shfuqizohet.

Neni 3

Ky ligj hyn në fuqi 15 ditë pas botimit në Fletoren Zyrtare.

Miratuar në datën 14.12.2017

Shpallur me dekretin nr. 10703, datë 26.12.2017 të Presidentit të Republikës së Shqipërisë, Ilir Meta

MARRËVESHJE NDËRKOMBËTARE

PËR VAJIN E ULLIRIT DHE ULLINJTË E TAVOLINËS, 2015

KAPITULLI I

OBJEKTIVAT E PËRGJITHSHËM

Neni 1

Objektivat e Marrëveshjes

1. Në lidhje me standardizimin dhe kërkimin:

- Të synojë të arrijë uniformitet në legjislacionin kombëtar dhe ndërkombëtar në lidhje me karakteristikat fiziko-kimike dhe organoleptike të vajrave të ullirit, vajrave të bërsisë së ullirit dhe ullinjve të tavolinës, me qëllim parandalimin e ndonjë pengese ndaj tregtisë.