ON THE RATIFICATION OF PROTOCOL NO. 5 ADDITIONAL TO THE AGREEMENT ON AMENDMENT AND ACCESSION TO THE CENTRAL EUROPEAN FREE TRADE AGREEMENT

Lloji: Ligj

Fletore Zyrtare: nr. 59, datë 2018-04-26

LIGJ

Nr. 18/2018

PËR RATIFIKIMIN E PROTOKOLLIT SHTESË 5 TË MARRËVESHJES PËR AMENDIMIN DHE ADERIMIN NË MARRËVESHJEN E TREGTISË SË LIRË TË EVROPËS QENDRORE

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet protokolli shtesë 5 i marrëveshjes për amendimin dhe aderimin në Marrëveshjen e Tregtisë së Lirë të Evropës Qendrore, sipas tekstit dhe anekseve që i bashkëlidhen këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 5.4.2018

Shpallur me dekretin nr. 10770, datë 23.4.2018, të Presidentit të Republikës së Shqipërisë, Ilir Meta

DRAFT PËRFUNDIMTAR 1.11.2016

PROTOKOLL SHTESË 5

I MARRËVESHJES PËR AMENDIMIN DHE ADERIMIN NË MARRËVESHJEN

E TREGTISË SË LIRË TË EVROPËS QENDRORE

Preambul

Duke pasur parasysh konkluzionet e Këshillit Ministror më 21 nëntor 2014, mbi theksin e vënë për rëndësinë e ndërmarrjes së përpjekjeve që synojnë thellimin e zbatimit të Marrëveshjes për Amendimin dhe Aderimin në Marrëveshjen e Tregtisë së Lirë të Evropës Qendrore (më poshtë e referuar si “CEFTA 2006”) dhe duke pasur parasysh dispozitat e neneve 12, 13 dhe 14(4) të CEFTA 2006;