On European Societies for Cooperation (ESCs)

Lloji: Ligj

Fletore Zyrtare: nr. 175, datë 2026-08-06

LIGJ

Nr. 77/2026

PËR SHOQËRITË EVROPIANE TË BASHKËPUNIMIT (SHEB)1

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti

Ky ligj përcakton rregullat, kriteret dhe procedurat për themelimin, regjistrimin, organizimin e

brendshëm, funksionimin, administrimin, ristrukturimin dhe prishjen e shoqërive evropiane të

bashkëpunimit, që ushtrojnë veprimtarinë e tyre në territorin e Republikës së Shqipërisë, si dhe të

drejtat e detyrimet e anëtarëve të tyre.

Neni 2

Fusha e zbatimit

Dispozitat e këtij ligji zbatohen për shoqëritë evropiane të bashkëpunimit, që themelohen e

ushtrojnë veprimtarinë në territorin e Republikës së Shqipërisë.

Neni 3

Forma e shoqërisë evropiane të bashkëpunimit

1. Një shoqëri evropiane bashkëpunimi mund të themelohet brenda territorit të Republikës së

Shqipërisë në formën e një shoqërie evropiane të bashkëpunimit (në vijim SHEB) sipas kushteve dhe

mënyrës së përcaktuar në këtë ligj.

2. Kapitali i nënshkruar i një SHEB-i ndahet në kuota.

3. Numri i anëtarëve dhe kapitali i një SHEB-i janë të ndryshueshëm.

4. Me përjashtim të rasteve kur statuti i SHEB-it parashikon ndryshe, anëtarët e një SHEB-i do të

mbajnë përgjegjësi deri në vlerën e kontributit të nënshkruar prej tyre.