ON THE RATIFICATION OF THE HOST COUNTRY AGREEMENT BETWEEN THE REPUBLIC OF ALBANIA AND THE REGIONAL OFFICE FOR YOUTH COOPERATION

Lloji: Ligj

Fletore Zyrtare: nr. 172, datë 2018-12-05

LIGJ

Nr. 85/2018

PËR RATIFIKIMIN E MARRËVESHJES ME VENDIN PRITËS NDËRMJET

REPUBLIKËS SË SHQIPËRISË DHE ZYRËS RAJONALE PËR BASHKËPUNIM RINOR

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit

të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja me vendin pritës ndërmjet Republikës së Shqipërisë dhe Zyrës Rajonale

për Bashkëpunim Rinor, sipas tekstit që i bashkëlidhet këtij ligji dhe është pjesë përbërëse e tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 15.11.2018

Shpallur me dekretin nr. 10983, datë 27.11.2018, të Presidentit të Republikës së Shqipërisë, Ilir Meta

MARRËVESHJA E VENDIT PRITËS

NDËRMJET REPUBLIKËS SË SHQIPËRISË DHE ZYRËS RAJONALE PËR

BASHKËPUNIMIN RINOR

Republika e Shqipërisë, që në vijim do të quhet “Vendi Pritës” dhe Zyra Rajonale për Bashkëpunimin

Rinor, që në vijim do të quhet “ZRBR”, të dyja në vijim do të quhen “Palët”;

Referuar në “Marrëveshjen për ngritjen e Zyrës Rajonale për Bashkëpunimin Rinor”, nënshkruar në

Paris, më 4 korrik 2016;

Duke theksuar që Marrëveshja bën të mundur vendosjen e Selisë së Zyrës Rajonale për Bashkëpunimin

Rinor në Tiranë, në Republikën e Shqipërisë;

Me vullnetin për të rregulluar privilegjet dhe imunitetet e nevojshme për funksionimin dhe realizimin