On the extended responsibilities of producers of products generating waste

Lloji: Ligj

Fletore Zyrtare: nr. 245, datë 2025-12-29

1 Ky ligj është përafruar pjesërisht me direktivën 2008/98/KE të Parlamentit Evropian dhe të Këshillit, datë 19 nëntor

2008, “Mbi mbetjet”, e cila shfuqizon disa direktiva. Numri CELEX: 32008L0098, Fletorja Zyrtare e Bashkimit

Evropian, seria L, nr. 312, datë 22.11.2008, faqe 3–30.

LIGJ

Nr. 74/2025

PËR PËRGJEGJËSITË E ZGJERUARA TË SUBJEKTEVE PRODHUESE

TË PRODUKTEVE QË GJENEROJNË MBETJE1

Në mbështetje të neneve 78 e 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Qëllimi i ligjit

Ky ligj ka për qëllim krijimin e sistemit të përgjegjësive të zgjeruara të subjekteve prodhuese për

produktet që gjenerojnë mbetje (në vijim “PZP”) dhe të sigurojë që çdo person fizik ose juridik, që

zhvillon, prodhon, përpunon, trajton, shet ose importon mbi baza profesionale produkte që gjenerojnë

mbetje pas përdorimit, të mbajë përgjegjësitë e zgjeruara të prodhuesit në funksion të rritjes së

ripërdorimit, parandalimit, riciklimit dhe rikuperimeve të këtyre produkteve.

Neni 2

Objekti i ligjit

Ky ligj ka si objekt përcaktimin e:

a) masave të nevojshme, që ndërmerren nga subjekti prodhues për të mbajtur përgjegjësitë e

zgjeruara të prodhuesit;

b) rregullave për krijimin, organizimin e funksionimin e sistemit të përgjegjësive të zgjeruara të

subjekteve prodhuese për produktet që gjenerojnë mbetje dhe të shoqërisë për përgjegjësitë e